Atariko albisteak
ELGAk Gipuzkoa aukeratu du gobernantza-eredu berriekin esperimentatzeko

ELGAk Gipuzkoa aukeratu du gobernantza-eredu berriekin esperimentatzeko

Covid19k sortutako egoerak gobernantza-politika eta ikuspegi berritzaileagoak eskatzen ditu, administrazioek datozen hilabeteetan etorriko diren erronkei aurrea hartu ahal izateko. Testuinguru horretan, Ekonomia Lankidetza eta Garapenerako Antolakundeak (ELGA) Gipuzkoako Etorkizuna Eraikiz eta Debagoiena 2030 proiektuetan egiten ari den lana balioetsi eta horren adibide gisa jarri du. Proiektu horien helburua da gaur egungo eta etorkizuneko erronkei erantzuna ematea lankidetza-gobernantzaren bidez.

COTEC 2020 txostenak ALCk berrikuntza sozialeko laborategi gisa egindako lana nabarmentzen du

COTEC 2020 txostenak ALCk berrikuntza sozialeko laborategi gisa egindako lana nabarmentzen du

Cotec txostenak Espainiako I+Gko eta berrikuntzako datu nagusien bilakaera jasotzen du XXI. mendeko bigarren hamarkadan. Halaber, ikerketa- eta berrikuntza-jarduerak gizarte-arazoak konpontzeko ikuspegian izandako aldaketak aipatzen ditu. Alde horretatik, eta NBEk 2015. urtean ezarri zituen garapen iraunkorreko helburuak oinarri hartuta, kapitulu oso bat eskaintzen dio berrikuntza sozialari, eta ALCk arlo horretan laborategi aditu gisa egindako lana nabarmentzen du.

ALCk lankidetza estrategikorako gune berri bat sustatu du Gipuzkoako Foru Aldundia, Europako Teknologia Institutua (EIT-Climate KIC) eta ELGAren artean, Covid 19ri modu berritzailean erantzuteko

ALCk lankidetza estrategikorako gune berri bat sustatu du Gipuzkoako Foru Aldundia, Europako Teknologia Institutua (EIT-Climate KIC) eta ELGAren artean, Covid 19ri modu berritzailean erantzuteko

Maiatzean, ALCk hausnarketa estrategikorako mintegi bat koordinatuko du Gipuzkoako Foru Aldundiaren, EIT-Climate KICen (Europako Teknologia Institutuak bultzatutako berrikuntza publiko eta pribatuko elkarterik handiena, klima-aldaketari aurre egiteko eta klima-aldaketara egokitzeko berrikuntzan oinarritua) eta Ekonomia Lankidetza eta Garapenerako Antolakundearen (ELGA) Sektore Publikoko Berrikuntza Behatokiaren (OPSI) artean. Topaketa horiek Gipuzkoako Foru Aldundiari balioko diote Covid19k Etorkizuna Eraikiz estrategian duen eragina aztertzeko, trantsizio ekologikoaren eta gobernantza publiko pribatuko sistema berrien arloko ekimenak indartuz. Gipuzkoako Foru Aldundiko ordezkariez gain, Etorkizuna Eraikiz Estrategian parte hartzen duten eragileek, Gipuzkoako hezkuntza-eragileek eta Debagoiena 2030 egitasmoko kideek parte hartuko dute saioetan. Climate KICek eta OPSIk interes handia erakutsi dute Etorkizuna Eraikiz ekimenean, lankidetza publiko-pribatuaren eredu gisa eta komunitate-esperimentaziorako tresna gisa.